चोर
चोर
नेपाली
[सम्पादन गर्नुहोस्]पद वर्ग
[सम्पादन गर्नुहोस्]नाम
अर्थ
[सम्पादन गर्नुहोस्]ना॰ [सं॰] १. कसैले पनि थाहा नपाउने गरी अर्काको धनमाल अपहरण गर्ने व्यक्ति; तस्कर । वि॰ २. लुकेर रहेको; गुप्त । ३. अरूलाई ठग्ने वा कम्ती माल दिने; बेइमान । ४. चोर्ने । ५. चुहिएर छिर्ने (चोर घाम, चोर घर आदि) । ६. मनको कुरा लिने वा चित्त हरण गर्ने । ~ आँखे— वि॰ १. लुकीछिपीकन आँखा कर्काउने; अरूले नदेख्ने गरी यताउति हेर्ने । २. अर्काले देख्न नसक्ने ठाउँमा देख्ने । ~ आँखो— ना॰ १. बाता वा चोया काड्दा चिरेका बाँसका बीचमा पर्ने आँख्लो; भालुआँखो । २. लुकीछिपीकन हेर्ने आँखो; कर्के आँखो । ~ उद्योग— ना॰ सरकारी नियम–कानुनलाई छलेर वा सर्वसाधारण जनतालाई ठग्ने उद्देश्यले गरिने उद्योग; कालो उद्योग । ~ औँले— वि॰ १. चोरका जस्ता औँला भएको; चोर्ने औँला भएको । २. चोर औँला मात्र भएको । ~ औँलो— ना॰ बूढी औँलो र माझी औँलाका बीचको औँलो; औँलो; तर्जनी । ~ कमिलो— ना॰ झुक्याएर वा छलेर ज्यादै असह्य हुने गरी चिल्ने कालो रबको कमिलो । ~ खर— ना॰ १. पुरानो खरको छानो मकाएर पानी चुहिने ठाउँमा बीचबीचमा घुसारिने नयाँ खर । २. छाएको ठाउँमा त्यान्द्रा पारेर तुर्लुङ्ब झुन्डिएको खर । ~ गेडे— वि॰ चोर गेडाहरू मिसिएको वा भएको (मास, भटमास, सानो केराउ इ॰) । ~ गेडो— ना॰ भिजाउँदा पनि नभिज्ने र पकाउँदा पनि नपाक्ने मास, केराउ, चना आदिको गेडो; अटेर्नु; डाइनु । ~ चकार— ना॰ १. सानोतिनो चोर; ठिनेमिने चोर; चोट्टा । २. चोर र चकार । ~ जुवा— ना॰ जुवा खेल्न नपाइने दिनमा खेलिने जुवा; जतिखेर पायो उतिखेर खेलिने जुवा; बाह्रमासे जुवा । ~ बजार— ना॰ चोरेर ल्याएका मालसामानहरू किनबेच गर्ने बजार; लुकाईछिपाईकन मालसामान किनबेच गरिने बजार; कालोबजार । ~ बजारिया— वि॰ चोरबजारमा किनबेच गर्ने; चोरी व्यापार गर्ने (मान्छे) । ~ बजारी— ना॰ चोरीका मालसामान किनबेच गर्ने काम । ~ बत्ती— ना॰ १. प्रायः चोरले लिने बत्ती; तुरुन्त बाल्न र निभाउन हुने बत्ती । २. टर्चलाइट । ~ बाटो— ना॰ खुसुक्क निक्लने र मूलबाटोबाट भन्दा छिटो पुगिने, अन्तरकुन्तरबाट झिकिएको बाटो; छड्के बाटो । ~ बाली— ना॰ एक जातको बाली लगाएका छेउ–कुनामा लगाएको अर्को जातको बाली । (मकै बालीभित्र धान, धान खेतका आलीमा मास आदि) ।
अनुवाद
[सम्पादन गर्नुहोस्]- अङ्ग्रेजी: thief