अँगाल्नु

नेपाली

पद वर्ग

एककर्मक क्रिया

अर्थ

एक वा दुवै हातले अर्काको गर्धन बेर्नु

उदाहरण

१. लोग्नेले सुशीलाको सुकुमार गोलो गर्धनमा हात पुर्याएर अँगाल्यो।

अर्थ

कुनै नीति वा सिद्धान्त अनुसरण गर्नु

उदाहरण

१. कलाकारले कुनै न कुनै वादलाई अंगालेको हुन्छ। २. नेपालले प्रतिनिधित्वपूर्ण संसदीय प्रजातन्त्रका औपचारिकताहरू अँगाल्यो।

अर्थ

कुनै पेसामा लाग्नु

उदाहरण

१. मानिसहरूले होटल, साइबर क्याफे, बेकरीलगायतका पेशा अँगालेका छन्। २. गन्धर्वहरू गानबजानलाई नै पुर्ख्यौली पेसाको रूपमा अँगाल्छन् ।

अर्थ

स्वीकार गर्नु

उदाहरण

१. सुकरातले मृत्युलाई अँगाले। २. दार्जीलिङतिर जमेको मिश्रित गोर्खाली समाजले छिटै नै 'लिन्ग्वा फ्रान्का'का रूपमा नेपाली भाषालाई अँगाल्यो।

अर्थ

प्रयोग गर्नु

उदाहरण

१. राजनीतिक दल राजाको चौकी भत्काउन त्यही भारतीय कारीगरलाई अँगाल्छन्। २. 'यात्री' र 'भिखारी' जस्ता कविताहरूले लयात्मकतालाई अँगालेका छन्। ३. सुन्दर जीवनलाई भन्दा बाल्जाकेली उपन्यासहरूले हिंसा र कुरूपतालाई अँगालेका छन्।

अर्थ

कुनै कुराको पक्ष लिनु

उदाहरण

१. भुटानले नेपाल र नेपाली मूलका भुटानीप्रति नकारात्मक दृष्टिकोण अँगाल्यो। २. भारत सरकारले पनि संयुक्त राष्ट्र सङ्घलाई यस्तो भूमिका खेल्न नदिने दृष्टिकोण अँगालेको छ।

अनुवाद

1. अङ्ग्रेजी: to embrace